係我未上中一之前 eva 已經出左街, 唔洗諗 中學果時 都唔知幾多人講 eva, 果時我都有興趣 不過又唔知邊度 點樣有得睇, 或者果時俾打機同讀書迷住左 就冇理到
而家睇左果個重畫既電影版, 再睇翻 tv 版 (前幾日問 b 叔借), 初時都覺得 電影版有 d 奇怪既地方, 例如某 d 角色既表情 突然變左舊時既風格 (原來以前就係咁既樣 = =) 或者主角真嗣 點解可以咁快下決定駕駛 eva (原來 tv 版有 eva 突然用手擋跌落黎既燈, 電影冇左), 仲有最後 點解會有 殺必死 殺必死 殺必死 原來係以前 tv 下集預告時有既傳統
同其他人 先睇 tv 版有深印象 睇翻電影唔同, 我一開始睇電影版時都覺得有 d 怪, 到之後睇翻 tv 先明
就好似第 5 使徒 成粒鑽石咁果個 明明可以變型 點解死果時仲係會裡面爆一野呢, 原來 tv 版 佢既"設計" 唔同, 似係一個重裝甲建築 (最後仲花左好耐黎拆佢)
主要重大分別 好似係呢幾個, 雖然我寫出黎都冇乜用 (肯定好多 fans 更了解呢方面 d 野)
1. 最明顯係使徒死左會散左 變血, 尤其是第 4 使徒俾初號機打死之後果畫面, 電影版變得好怪... (我諗緊 咁樣 點食第十三使徒 ? 一食就會散做血掛...)
2. 以前第 3 使徒 而家變左第 4, 多左一隻, 而且一開始已經見有血 可能已經打左一次...
3. cut 哂初號機係佢亞媽 會保護佢既暗示... 先係冇用手保護佢 打死第 3 使徒之後 用眼望佢果個又冇左... 都唔知電影版 真嗣個亞媽既命運或者設定會唔會改左...
4. 第 3 東京市既砲多左好多, 打第 4 使徒時 同 tv 版比 根本係 2 回事...
有人話之後劇情會改得更多... 仲有 我都係好鍾意佢舊時 戰術圖 用綠色等高線黎顯示地型既方式
電影版用翻真實投影 反而冇哂特色
