華為剛在香港發佈新機Ascend P6，機身採用全金屬設計，厚度僅6.18毫米，重量只有120克，是現時全球最薄的智能手機！雖然機身勁薄，但屏幕並無縮水，仍然有個4.7吋In-cell LCD靚芒，雖然解像度方面只有1,280 X 720略為輸蝕，但睇畫面色水都不俗，睇戲打機效果仍然有一定水準。機背相機為800萬像素，有f2.0大光圈，更玩埋大熱自動美顏模式，提供10段式美膚效果，話唔定又一自拍神器出現。另外，更要留意係支援LTE CAT 4網絡，可享受高達150Mbps下載速度。P6售價為$3,280，7月24日正式開賣！
